Яруу найрагч, “Болор цом”- ын эзэн, “Дэлхийн урлаг соёлын академи”-ийн байнгын гишүүн, Утга зохиолын доктор, Монголын философичдын холбоо”-ны тэргүүлэгч гишүүн Дамдинсүрэнгийн Урианхай “Азийн тэргүүн найрагч” хэмээх нэр хүндтэй шагналын анхны эзнээр тодорчээ.Шүүлт, зохион байгуулалт, шагналын сан зэргээрээ Нобелийн шагналтай дүйцэхүйц энэ шалгаруулалтад бүх орноос азид тэргүүлэх яруу найрагтай 4 орныг шалгаруулж, найрагчдыг өрсөлдүүлснээр ийнхүү Монгол улсын найрагч шүүгчдийн 100 хувийн саналаар тэргүүн шагналыг хүртжээ. Сүүлийн 20- иод жилийн хугацаанд түүний бүтээлүүд дэлхийн олон улсын хэлээр орчуулагдаж, Монголчуудын оюун санааны нүүр царай болж байгаа билээ.
