“Нүдээ нээ” жагсаал боллоо

Таван настай хүүг төрсөн эцэг нь заазуурдсан, хоёр настай хүүхдийг төрсөн аав нь хазаж бэртээсэн, бага насны охидоор бэлгийн дур хүслээ хангасан гэх мэт хүүхдийг зүй бусаар хүчирхийлсэн аймшигт хэргүүд жил бүр гарсаар байгааг “Нүдээ нээ” жагсаалд оролцогчид эсэргүүцэн, төр засгийн анхаарлыг татахыг зорьжээ. “Лантуун дохио” төрийн бус байгууллагын залуус Сүхбаатарын талбайд хийж буй энэхүү жагсаал нь гурав дахь удаагийн тэмцлийн илэрхийлэл нь юм.

“Таван настай охинд хойд эцэг нь хүч хэрэглэсэн аймшигт хэрэг гарснаас хойш 11 дэх өдрөө энэ хэрэгт тууштай анхаарч байна. Нийгмийн санах ой долоо хоногийн л хугацаатай болжээ. Тэр үед нийгмээрээ гашуудаж, уурлаж, бухимдаж, тэмцэхээ илэрхийлж байсан. Харамсалтай нь, өнөөдөр хүмүүс тэр явдыг мартаж эхэлсэн байна. Энэ хугацаанд олон хүүхэд хүчирхийллийн хохирогч болсоор байгаа. Тиймээс хүн бүхэнд зөвхөн харах нүдээ бус хүүхдэдээ тавих анхаарал халамжаа сайжруулахыг сануулж байна” хэмээн тус төрийн бус байгууллагын тэргүүн Ч.Ганжавхлан ярилаа.

Цаашдаа нийгмийг цочроосон хүчирхийллийн гэмт хэргийн эсрэг тууштай тэмцэж, жагсах болно гэдгээ илэрхийлэв. Эсэргүүцлийн жагсаалын үеэр иргэдийн гарын үсгийг цуглуулж, хүчирхийллийн эсрэг ажилладаг, хариуцсан байгууллага, албан тушаалтнуудад хүргүүлэх юм байна. Тэд өнгөрсөн хоёр удаагийн жагсаалаар 570 гаруй хүний гарын үсэг цуглуулжээ.

updown.mn

Мэдээний админ

Learn More →

Хариулт үлдээнэ үү

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн