Европын дарсны үйлдвэрлэлийн гол орнууд болох Франц, Герман, Итали, Испани зэрэг орнууд цаг уурын экстремаль үзэгдлийн улмаас энэ жил усан үзмийн ургацаа бүрэн авч чадсангүй. Бусад дарс үйлдвэрлэгч нар ч ургацгүй сууж байна. Ургацын уналтын үзүүлэлт нь дэлхийн хоёрдугаар дайны жилүүдийн үзүүлэлттэй эн зэрэгцэх хэмжээнд иржээ. Европын дарсны үйлдвэрлэгчид мэдэгдэхдээ ургац авч чадаагүй. Дарсны чанар өндөр байх ч үнэ нь нэмэгдэнэ. Гэхдээ алдагдлаа нөхөж чадахгүй гэсэн байна.
Европын холбооны хэмжээнд энэ жил 145 сая гектолитр (нэг гектолитрт-100 литр) дарс дарагдсан нь өмнөх оныхоос 14 хувиар бага байгаа юм. Усан үзмийн талбайнууд цочир хүйтрэлт ба үер, ганд нэрвэгджээ. Италид гэхэд л ургац 26 хувиар буюу 40 сая гектолитр хүртэл буурав. Франц, Испанид ургац өмнө байгаагүй хэмжээгээр бага байсан аж. Зөвхөн Португали л дарсны үйлдвэрлэлээ 10 хувиар нэмэгдүүлж зургаан сая гектолитр болгосон байна.
Эх сурвалж:foodbev.com
