Германы нэрт хөгжмийн зохиолчдын бүтээл анх удаа УДБЭТ-д энэ сарын 18-нд эгшиглэнэ. “Намрын аялгуу” нэртэй сонгодог тоглолтонд Г.Ф.Телеманы нарийн бүрээнд зориулсан бүтээл, Рихард Штраусын “Тиль Уилиншпигелийн элдэв санаанууд” симфони болон “Шилдэг цөөхүүл ба гоцлол хөгжмийн уралдаан”-ы шагналтнууд шилдэг бүтээлийн дээжсээр үзэгчдийн сонорыг мялаах юм.
УДБЭТ-ын уран бүтээлчид 55 жилийн ойгоо угтан энэ сарыг “Симфони найрал хөгжмийн сар” болгон зарлаад байна. Энэхүү тоглолтыг Монгол дахь Германы ЭСЯ болон Германы гуулин хөгжмийн Крампон компани дэмжин ажиллаж байна.
