Өнгөрсөн зун “Боинг-737” онгоц нислэгийнхээ үеэр хошууг нь цөмөрсөн тухай зураг олон нийтийн сүлжээнд цацагджээ. J4341 чиглэлийн онгоц Суданы Эд-Дамазинаас олон улсын Хартумын нисэх онгоцны буудалд маш хүчтэй гэмтэлтэйгээр газардсан билээ.
Онгоцны дотор талаас авсан зургуудаас харахад шувуудын цустай сэг шилэн дээр нь наалдсан байх аж. Харин гадна талаас нь авсан зургууд дээр том хэмжээний нүх үүссэн байжээ. Нисгэгчийн ур чадварын ачаар зорчигчид эсэн мэнд газардсан байна.
Эх сурвалж: New York Post