Дэлхийд

Цагаан ордон: Бид Пхеньянд дайн зарлаагүй

Вашингтон БНАСАУ-д дайн зарласан гэх Пхеньяны мэдээллийг Цагаан ордноос үгүйсгэлээ. Ерөнхийлөгчийн засаг захиргааны төлөөлөгч БНАСАУ-ын удирдлагуудаас гарсан энэ мэдээллийг утгагүй зүйл хэмээжээ.

Цагаан ордны хэвлэлийн нарийн бичгийн дарга Сара Хакаби-Сандерс түүнчлэн БНАСАУ Америкийн цэргийн онгоцууд тус улсын агаарын орон зайд орж ирээгүй байсан ч сөнөөх эрхтэй гэсэн саяхны нэгэн мэдээлэл шиг өдөөн хатгалгуудаа зогсоох шаардлагатай гэж анхааруулсан байна. НҮБ-ын төлөөлөгч сүүлийн үед хоёр талаас гарч буй цэрэг дайны чанартай үг хэллэг нь талуудын дунд тун ноцтой үл ойлголцол үүсгэнэ гэж анхааруулж байсан юм.

Үүнтэй зэрэгцээд Өмнөд Солонгос улс ч зөрчилдөөн орсон талууд тэвчээргүй зан гаргавал бүс нутаг дахь хурцадмал байдлыг улам нэмэгдүүлэх бөгөөд санамсаргүй мөргөлдөөнөөс болж нөхцөл байдал хяналтаас гарч болзошгүй гэж мэдэгджээ.

БНАСАУ-ын Гадаад хэргийн сайд Ли Ён Хо Нью-Йоркт байх хугацаандаа “АНУ л хамгийн түрүүнд манай улсад дайн зарласан гэдгийг дэлхий дахин ойлгох ёстой” гэж мэдэгдсэн билээ. Тэрбээр НҮБ-ын Ерөнхий ассамблей дууссаны дараа Нью-Йоркоос буцахдаа “Манай улс Америкийн онгоцуудыг манай орон зайд орж ирээгүй байсан ч сөнөөх бүрэн эрхтэй” хэмээн сурвалжлагч нарт мэдэгджээ.

Энэ мэдэгдлээс хоёрхон хоногийн өмнө Америкийн онгоцууд Солонгосын дайн дууссанаас хойш анх удаа БНАСАУ-ын хил орчмоор болон тэнгисийн эрэг орчмоор үзүүлэх нислэг үйлдсэн юм. Үүний дара америкчууд хэвлэлд онгоцны нислэг үйлдсэн маршрутынхаа талаар тайлбар хийхээс өөр аргагүй болсон.

Пхеньяны хувьд АНУ-ыг дайн зарлаж байна хэмээн нэг бус удаа буруутгаж байгаа юм. БНАСАУ-ын олон нийтийн мэдээллийн хэрэгслийг ажигладаг NK News агентлагийн мэдээлснээр “дайн зарласан” гэсэн хэллэг Хойд Солонгосын төрийн мэдээллийн агентлагуудын мэдээлэлд 200 гаруй удаа дурдагдсан гэнэ.

Э.ЗАЯА

Түлхүүр үг

ХОЛБООТОЙ МЭДЭЭ

1 сэтгэгдэлтэй

  1. АНУ түрэмгийллээ зогсоо. Дайн өдөөгч империалистууд дэлхийг ямар болгосноо ухаардаггүй юм байхдаа

Сэтгэгдэл

Таны сэтгэгдэл

Back to top button
Close