Өнөө өглөө (2017.09.24) АНУ-ын бөмбөгдөгч онгоцууд Хойд Солонгосын зүүн эргээр нисч сүр хүчээ үзүүлжээ. Пентагоноос мэдээлснээр энэ нь Пхеньяны ямар ч аюулыг дарах хүчтэй гэдгээ харуулсан байна.
Гуам арлаас хөөрсөн АНУ-ын нисэх хүчний B-1B Lancer бөмбөгдөгч онгоцуудыг Японы Окинава арлаас F-15C Eagle байлдааны хөлгөөр өчигдөр (2017.09.24) орой даган хөөрсөн билээ.
НҮБ-ын Ерөнхий Ассамблейн үеэр Дональд Трамп үг хэлэхдээ, Хойд Солонгосыг НҮБ-ын гишүүнчлэлээс хасч, үнсэн товорго болгоно хэмээсэн заналхийлсэн утгатай мэдэгдэл хийсэн юм.
