Сар шинийн баярын өдрүүдээр хот, хөдөө орон нутгийн хүүхдүүд ялгаатай амарчээ. Нийтээр тэмдэглэх баярын болон тэмдэглэлт өдрүүдийн тухай хуулийн 4.1.3-т зааснаар Цагаан сараар билгийн тооллын хаврын тэргүүн сарын шинийн 1, 2, 3-ны өдрүүдэд бүх нийтээр амарна гэсэн заалт бий. Энэ дагуу шинийн 4-н буюу энэ сарын 2-ны өдөр ажил эхэлсэн. Хотын сурагчид дээрх заалтын дагуу амарсан бол аймаг сумын хүүхдүүд долоо хоног амарч буй юм. Тэд энэ сарын 9-ны өдрөөс буюу пүрэв гаригт хичээлдээ орно.
