Нийгэм

Монголын үндэсний сэтгүүл зүйн 104 жилийн ой

1913.03.06-нд Монгол сэхээтнүүд “Шинэ толь хэмээх бичиг” сонины анхны дугаарыг гаргасан бөгөөд энэ өдрийг Монголын үндэсний сэтгүүлзүй үүссэн өдөр гэж тэмдэглэх саналыг 1992 онд Монголын сэтгүүлчдийн холбооны YII их хурлаас гаргаж, 2009 оноос хойш тогтмол тэмдэглэж байна.

Монголын хэвлэл мэдээлэл, сэтгүүлзүйн мэрэгжлийн толгой байгууллага – МСНЭ нь үндэсний сэтгүүлзүйн 104 жилийн ойг тохиолдуулан сэтгүүлзүйн хүндтэй ахмадууд болох МУСГЗ Б.Лигдэн, МУСГЗ Д.Дорждулам, МУСГЗ М.Шийрэв нарт “Алтан өргөмжлөл” хүртээж хүндэтгэл үзүүлэв.

1488784719_17148820_1660649203951043_546758166_o Монголын үндэсний сэтгүүл зүйн 104 жилийн ой

1488783163_17193910_1206826396021313_1625650449_o Монголын үндэсний сэтгүүл зүйн 104 жилийн ой

МСНЭ өнгөрсөн жилээс эхлэн Монцамэ агентлагтай хамтран “Мэдээний шилдэг сурвалжлагч” шагнал олгодог болсон бөгөөд энэ жил 25-р суваг телевизийн сэтгүүлч Г.Мөнхтуул, iToim сайтын сэтгүүлч Г.Улсболд, фото сэтгүүлч Б.Бямба-Очир нар тус шагналын эзэд боллоо.

1488784754_17175842_1660646903951273_932401383_o Монголын үндэсний сэтгүүл зүйн 104 жилийн ой

– Ойн арга хэмжээний үеэр Монголын сайтын холбооны санаачлагаар МСНЭ тэргүүтэй нөлөө бүхий 16 ТББ, хэвлэл мэдээллийн хэрэгсэл санал нэгтэй баталсан “Хэвлэл мэдээллийн салбарт зохиогчийн эрхийг дээдлэх тунхаг”-ийг төрийн холбогдох байгууллагуудад гардуулж, МҮОНРТ, мэдээллийн Монцамэ агентлаг, “Өдрийн сонин” сонин зэрэг байгууллагууд уг тунхагт шинээр нэгдэж байгааг зарлав.

– Мөн арга хэмжээний үеэр МСНЭ болон Монголын үндэсний сайтын хөгжлийн нэгдсэн холбооны хамтарсан санаачлагаар зохиогдож буй “Чөлөөт хэвлэл бол чөлөөт ард иргэд мөн” сэдэвт аяны нээлт боллоо. Энэ аянд хэвлэл мэдээллийн хэрэгслүүд, сэтгүүлчид нэгдэж, үг хэлэх үзэл бодлоо илэрхийлэх эрх чөлөө, чөлөөт хэвлэлийн үзэл санаанд харш хууль тогтоомж, шийдвэрийг төрийн зүгээс гаргуулахгүйн төлөө эв санааны нэгдэлтэйгээр тэмцэх юм.

– Мөн МСНЭ-ийн дээд шагналуудаар зарим сэтгүүлчдийг шагнав. Үүнд:

Зохиолч нийтлэлч Сономын Лочин нь Монголын тогтмол хэвлэлүүдэд олон жил бичиж нийтлэж, “Үнэн” сонинд арав гаруй жил ажиллаж, олны таашаалд нийцсэн 1000 гаруй нийтлэл, тэмдэглэл бичиж, сэтгүүлч мэргэжлээр боловсон хүчин бэлтгэх үйлсэд хорь гаруй жил зүтгэж, сэтгүүлзүйн судлал шүүмжийн чиглэлээр олон арван өгүүлэл, ном бичиж үндэсний сэтгүүлзүйн хөгжилд үнэтэй хувь нэмэр оруулсан тул МСНЭ-ийн дээд шагнал Ж.Цэвээний нэрэмжит шагналаар;

1488786365_17175898_1206826132688006_1512425159_o Монголын үндэсний сэтгүүл зүйн 104 жилийн ой

Доктор /Ph.D/ профессор Долгорын Цэнджав нь сэтгүүлзүйн бичлэгийн төрөл зүйлсээр “Буурал ижийнхээ хөлийг дулаацуулж чадлуу” (эсээний боть. 2010), “Он цагийн шастир” (Сэтгүүлзүй, нийтлэлийн ном. 2010), “Элэгдэхийн аргагүй он жилүүд” (Намтар нийтлэл. 2012) номууд гаргасан, Сэтгүүлзүйн чиглэлээр “Эрэн сурвалжлах сэтгүүлзүй” (сурах бичиг) “Хэвлэл мэдээллийн менежмент” (сурах бичиг) номууд бичсэн, Монголын өдөр тутмын 5 сонинд сурвалжлагчаас эрхлэгч хүртэл алба хашиж, сэтгүүлч мэргэжлээр боловсон хүчин бэлтгэх үйлсэд бодитой хувь нэмэр оруулсан, ХХ зууны Монголын түүхт хүмүүсийн нэг Д.Бодоогийн үндэсний сэтгүүлзүйд оруулсан хувь нэмэр, эдийн засгийн талаар баримталж байсан бодлогын асуудлаар эрэн сурвалжилж, энэ сэдвээр даацтай нийтлэлүүд бичиж байсны учир МСНЭ-ийн дээд шагнал Д.Бодоогийн нэрэмжит шагналаар ;

МСНЭ-ийн гишүүн сэтгүүлч Намсрайн Лутбаяр нь 1990-ээд оны сүүлийн хагасын Монгол орны бодит байдлыг баримтаар нотлох олон сайн нийтлэл, ярилцлага бүхий “Сонинтой хуучраагүй сонирхолтой баримтууд” номыг 2016 онд эмхэтгэн гаргасан тул МСНЭ-ийн нэрэмжит шагналаар тус тус шагнасан байна.

1488785985_17122133_1140960769363959_1972805724_o Монголын үндэсний сэтгүүл зүйн 104 жилийн ой

Мөн 2012 оноос хойш уламжлал болгон зохион байгуулж буй сэтгүүлзүйн анхдагчдыг батламжлах ажил үргэлжилж байгаа бөгөөд энэ удаад сэтгүүлч Ж.Нэргүйг анхдагчаар тодруулсан байна.

6-3-300x200 Монголын үндэсний сэтгүүл зүйн 104 жилийн ой

Сэтгүүлч Жамъяндоржийн Нэргүй нь 1990 онд Улсын Бага Хурлын Хэвлэлийн төлөөлөгчөөр анх томилогдсоноос хойш 26 жилийн турш Монголын парламентын Хэвлэл мэдээллийн албанд ажилласан; Цагаатгах ажлыг зохион байгуулах улсын комиссын Хэвлэл мэдээллийн албаны анхны даргаар 1991 онд томилогдон тасралтгүй 25 жил ажилласан; Авлигатай тэмцэх үндэсний хөтөлбөрийг хэрэгжүүлэх үндэсний зөвлөлийн хэвлэлийн төлөөлөгчөөр анх сонгогдож, 4 жил ажилласан; Монгол Улсын Үндсэн Хуулийн Цэцийн Хэвлэл мэдээллийн анхны төлөөлөгчөөр томилогдон тасралтгүй 16 жил ажиллаж байгаа; Монгол Улсын Сонгуулийн Ерөнхий Хорооны Хэвлэл мэдээллийн анхны төлөөлөгчөөр 1992 онд томилогдон эдүгээг хүртэл тасралтгүй 25 жил ажиллаж байгаа тул “Монгол улсын хэвлэлийн анхны төлөөлөгч” мөн болохыг батламжилсан байна.

7-4-300x199 Монголын үндэсний сэтгүүл зүйн 104 жилийн ой

8-3-300x95 Монголын үндэсний сэтгүүл зүйн 104 жилийн ой

Эх сурвалж: МСНЭ

Түлхүүр үг

ХОЛБООТОЙ МЭДЭЭ

Сэтгэгдэл

Таны сэтгэгдэл

Back to top button
Close