Өчигдөр (2017.08.22) Баянзүрх дүүргийн нутаг Шар хадны эцсийн автобусны буудалын урд замын зорчих хэсэгт “Улаанбаатар сити такси” ХХК-ийн автомашин шатсан байна. Онцгой байдлын албан хаагчид нэг автомашинтай ажиллаж тус компанийн жолооч Б-гийн 12-43 улсын дугаартай Элентра” загварын автомашиныг унтраажээ.
Мөн Увс аймгийн Тариалан сумын Хартолгой багийн “Бор толгой” гэдэг газар иргэн Б-гийн өвс ачиж явсан 47-98 УВА улсын дугаартай “УАЗ фургон” загварын автомашин шатаж байсныг аврагчид шуурхай ажиллан унтраасан байна.