Энэтхэгт 12 сая хүн үерийн бүсэд амьдарч байна

Энэтхэгийн зүүн хэсэгт орших Бихар мужид болсон үерт амиа алдагсдын тоо 153-аас 202 болж нэмэгджээ. Үүнээс гадна 12 сая гаруй хүн үерийн бүсэд байна.

Үндэсний байгалийн гамшгийн үр дагаврыг арилгах газрын ням гарагийн мэдээллээс үзэхэд Бихар, Ассам, Баруун Бенгал, Уттар-Прадеш зэрэг мужуудад аадар борооны улмаас ганцхан долоо хоногийн дотор 412 хүн амиа алдсан аж. Энд үерт өртсөн иргэдэд агаараас хүнс тэжээл, нэн шаардлагатай зүйлс шидэж өгч байгаа юм.