ОХУ-ын Засгийн газар 2024 оны гуравдугаар сарын 1-нээс эхлэн бензиний экспортод хагас жилийн хугацаатай түр хориг тавихаар төлөвлөж байна. Ингэснээр хавар, зуны улирлын түлшний эрэлтийн өсөлтийг сааруулах боломжтой гэж үзэж байна.
ОХУ-ын шадар сайд Александр Новакийн мэдэгдсэнээр, биржээр борлуулах дизель түлшний квотыг 16 хувиар нэмэгдүүлэх арга хэмжээ авахаар болжээ. ТАСС агентлагийн тодруулснаар, зуны амралтын улирал болон газар тариалангийн ажил идэвхжих үед өсдөг түлшний эрэлтийг тэнцвэржүүлэх үүднээс бензиний экспортыг түр хориглох шаардлагатай байгаа аж. Түүнчлэн, энэ үед газрын тос боловсруулах үйлдвэрүүд төлөвлөгөөт засварт ордог байна.