Цас их орж, зам хаагдсан тул Шилийн богд чиглэлд зорчихгүй байхыг ОБЕГ-аас анхаарууллаа.
Алтан овоо, Шилийн богд хайрханд мөргөж, шинийн 8-ны нарыг харах гэсэн аялагч, зорчигчид энэ жил тус хайрхныг зорихгүй байхыг Сүхбаатар аймгийн Онцгой байдлын газраас ч зөвлөлөө. Тус чиглэлийн зам, даваа хаагджээ.
Төв болон зүүн аймгуудын нутгаар өнөөдөр, маргаашдаа цас орж, цасан шуурга шуурч, ихэнх нутгаар хүйтний эрч чангарах төлөвтэй байна.
