Ойрын өдрүүдэд нийслэлд бороо үргэлжлэн орж буй тул зам, талбайд ус тогтсон дуудлага, мэдээллийн дагуу Геодези, усны барилга, байгууламжийн газрын албан хаагчид арга хэмжээ авч ажиллаж байгаа аж.
Тодруулбал Баянгол дүүргийн гуравдугаар хороо буюу Төмөр замын вокзалын тойрог орчмын авто машин зорчих хэсэг, 20 дугаар хорооны нутаг дэвсгэр Саппоро орчмын байршилд очиж зам, талбайд тогтсон нийт 120 тонн усыг соруулжээ.
Түүнчлэн Баянбүрдийн тойрог, Гэсэр сүмийн уулзвар, “Континентал” зочид буудлын урд зам, Нарантуул захын урд замд тогтсон усыг сорууллаа хэмээн Геодези, усны барилга, байгууламжийн газар ОНӨААТҮГ-аас мэдээлэв.
