ОХУ-ын Ерөнхийлөгч В.Путин Орост хэсэгчилсэн дайчилгаа зарлаж байгаагаа мэдэгдлээ

putin
ПУТИН: Улс орны нутаг дэвсгэрийн бүрэн бүтэн байдалд заналхийлсэн тохиолдолд, ард иргэдээ хамгаалахын тулд бид бүх боломжоо ашиглана, энэ бол хий хоосон яриа биш

ОХУ-ын Ерөнхийлөгч Владимир Путин өнөөдөр Улаанбаатарын цагаар 16 цагийн орчим /лхагва гарагт/ Орост хэсэгчилсэн дайчилгаа зарлаж байгаагаа мэдэгдлээ

Тэрбээр “Орос улс Донбасс дахь ДНР, ЛНР болон Херсон, Запорожье мужуудад болох ОХУ-тай эргэн нэгдэх асуудлаарх бүх нийтийн санал асуулгыг бүхий л талаар дэмжиж, санал асуулга явуулах үеийн аюулгүй байдлыг хангана, мөн бүх нийтийн цэрэг дайчилгаа зарлаж Украйн болон барууны зүгээс өсөн нэмэгдэж байгаа заналхийлэл, халдлага, дайралтад шийдвэртэй хариу өгнө…”гэв.

ОХУ-ын Eрөнхийлөгч В.Путин ард түмэндээ хандаж хэлсэн үгийг тоймлон хүргэвэл,

  • Барууны орнууд шугам бүрийг давж, тэдний хариуцлагагүй улс төрчид Украинд довтолгооны зэвсэг нийлүүлэх, Оросын эсрэг цэргийн цохилт өгөх тухай ярьж байна.
  • Барууны орнууд Киевийг байлдааны ажиллагааг Оросын нутаг дэвсгэрт шилжүүлэхийг шахаж байна
  • Улс орны нутаг дэвсгэрийн бүрэн бүтэн байдалд заналхийлсэн тохиолдолд, ард иргэдээ хамгаалахын тулд бид бүх боломжоо ашиглана, энэ бол хий хоосон яриа биш.
  • Орос улс, түүний бүрэн эрхт байдал, бүрэн бүтэн байдлыг хамгаалахын тулд хэсэгчилсэн дайчилгаа явуулах саналыг дэмжих шаардлагатай гэж үзэж, зарлигт гарын үсэг зурж, дайчилгааны үйл ажиллагаа өнөөдрөөс эхэлнэ.
  • Зөвхөн нөөцөд байгаа иргэд, тэр дундаа зэвсэгт хүчинд алба хааж байсан, тодорхой цэргийн мэргэжил эзэмшсэн, зохих туршлагатай бол цэрэг татлагад хамрагдах бөгөөд анги, салбарт илгээхээс өмнө цэргийн нэмэлт сургалтад хамрагдана.
  • Тусгай ажиллагааны туршлагыг харгалзан үзэж Засгийн газар, Батлан ​​хамгаалах яаманд Донбассын сайн дурынхан, цэрэгжсэн цэргүүдийн эрх зүйн байдлыг аль болох хурдан тодорхойлохыг даалгасан ба энэ нь Оросын энгийн цэргийн албан хаагчдынхтай адил байх ёстой.

Д.Гантулга