Хөгжлийн бэрхшээлтэй хүүхдүүдэд үзүүлэх эмнэлгийн тусламж үйлчилгээг сайжруулах цогц арга хэмжээг ЭМЯ-наас хэрэгжүүлж байгаа ажээ. Энэ талаар Эрүүл мэндийн сайд С.Энхболд цахим хуудаснаа мэдээлсэн байна. С.Энхболд:
-Хөгжлийн бэрхшээлтэй хүүхдүүдийг жил бүр нарийн мэргэжлийн эмчийн үзлэг, оношилгоонд хамруулах бөгөөд өнгөрсөн бямба гарагт 100 гаруй хүүхдийг ЭХЭМҮТ-ийн мэдрэл, зүрх судас, бөөр, дотоод шүүрэл, хоол боловсруулах эрхтэн, амьсгалын эрхтэн судлал, удамзүй, үе мөч судлал, харшил, өсвөр үе, хэл засал, сэргээн засах, чих хамар хоолой, мэс засал зэрэг 15 төрөлжсөн нарийн мэргэжлийн эмчийн үзлэгт хамруулжээ.
Мөн шаардлагатай хүүхдүүдэд түнхний болон зүрхний хэт авиа, зүрхний цахилгаан бичлэг, хэвлийн хэт авиан болон рентген шинжилгээ хийсэн байна. Энэхүү үзлэг оношилгоог үргэлжлүүлэн тогтмол хийж байхаар төлөвлөн ажиллаж байна.
