Налайх дүүрэг энэ хичээлийн жилд 2-5 насны бүх хүүхдээ цэцэрлэгт хамруулах боломжтой болов

цэцэрлэг

Боловсрол, шинжлэх ухааны сайдаар ахлуулсан Цэцэрлэгийн хүртээмжийг сайжруулах ажлын хэсэг өнөөдөр Налайх дүүрэгт ажиллав.

Дүүргийн хэмжээнд цэцэрлэгийн насны 3,416 хүүхэд байгаагаас 2,286 нь буюу 67 хувь нь сургуулийн өмнөх боловсролд хамрагдаж байжээ. Цэцэрлэгийн хүртээмжийг нэмэгдүүлэх зорилтын хүрээнд зохион байгуулалт хийж хамрагдалтыг 85 хувьд хүргээд байв. Хэдийгээр хамрагдалт нэмэгдсэн ч 630 хүүхэд цэцэрлэгийн гадна үлдэхээр байсан юм.

osj1el_Screen_Shot_2022-08-05_at_11_17.44_h450 Налайх дүүрэг энэ хичээлийн жилд 2-5 насны бүх хүүхдээ цэцэрлэгт хамруулах боломжтой болов
sbvakt_Screen_Shot_2022-08-05_at_11_18.02_h450 Налайх дүүрэг энэ хичээлийн жилд 2-5 насны бүх хүүхдээ цэцэрлэгт хамруулах боломжтой болов

БШУ-ны сайдаар ахлуулсан ажлын хэсэг Пүрэв гарагт тус дүүрэгт ажиллах үеэрээ дүүргийн засаг дарга болон холбогдох албаны хүмүүстэй хамтран түрээслэх байруудын тоог нэмэгдүүлж, удаашралтай байгаа бүтээн байгуулалтын ажлуудыг энэ онд багтаан ашиглалтад оруулах зохицуулалт хийлээ. Ингэснээр үлдээд байсан 600 гаруй хүүхдийг цэцэрлэгт хамруулах боломжийг нээж байгаа юм. Налайх дүүргийн тухайд нийт 8 хороотой. Үүнээс 3,4,7,8 дугаар хороодод нөхцөл байдал хүндрээд байсан юм.

Мөн Налайх дүүргийн Голомт цогцолборын барилгыг буулгаж, бүтээн байгуулалт удааширч байгаатай холбоотойгоор 2,500 орчим сурагчийн асуудал хөндөгдсөн. Төрийн байгууллагуудын барилга, талбайд зохицуулалт хийснээр ахлах ангийн 12 бүлгийн хичээлийн байрыг шийдвэрлэхээр болжээ.

Боловсрол, шинжлэх ухааны сайд энэ үеэр мөн Монгол-Германы хамтарсан их сургууль, политехник коллежийн үйл ажиллагаатай танилцаж, хичээлийн жилийн бэлтгэл хэрхэн хангаж байгаатай танилцлаа.

 

Эх сурвалж: БШУЯ