Японы мэргэжлийн сүмогийн ёкозуна асан Хакүхо өөрийн барилдаж байсан Миягино дэвжээний эзэн болсныг Сүмогийн Холбоо өчигдөр мэдээлжээ.
Дээд зиндаанд 45 удаа түрүүлж, өнгөрсөн оны намар зодог тайлсан 37 настай Хакүхо өмнө нь Магаки нэрээр Миягино дэвжээнд дасгалжуулагчийн үүрэг гүйцэтгэж байсан юм.
Дэвжээний эзэн болохын тулд Япон улсын иргэн болох шаардлагатай байдаг. Хакүхогийн хувьд 2019 оны есдүгээр сард Монгол улсын иргэний харьяаллаас татгалзаж, Японы иргэн болж байжээ.
