Монгол орны нийт нутгийн 50 орчим хувьд зуншлага сайн байгаа тухай Цаг уурын байгууллагаас мэдээллээ.
Энэ сарын 20-ны байдлаар нийт нутгийн 50 орчим хувьд буюу Сэлэнгэ, Орхон, Дархан-Уул, Говьсүмбэр, Дорнодын нийт, Архангай, Хөвсгөл, Булган, Төв, Хэнтий, Сүхбаатарын ихэнх, Баян-Өлгий, Увс, Ховд, Говь-Алтай, Өвөрхангай, Дундговь, Дорноговийн зарим, Завхан, Баянхонгор, Өмнөговийн ганц нэг сумдын нутгаар бэлчээрийн ургамал сайн ургажээ.
Харин нийт нутгийн 40 гаруй хувьд зуншлага дунд зэргийн байгаа бол 10 орчим хувьд буюу Баянхонгор, Өвөрхангай, Өмнөговийн зарим, Баян-Өлгий, Увс, Ховд, Говь-Алтай, Дундговь, Дорноговийн ганц нэг сумдын нутгаар муу байгаа нь хур тунадас бага орсонтой холбоотой байна.
