Улсын хэмжээнд өнгөрсөн хоногт хийсэн коронавирусийг илрүүлэх PCR шинжилгээгээр 243 тохиолдол шинээр батлагджээ.
Энэ нь дөрвөн сүүлийн сар гаруйн хугацаанд нэг хоногт шинээр илэрсэн хамгийн өндөр тохиолдол юм. Хамгийн сүүлд 2022 оны гуравдугаар сарын 15-нд 267 тохиолдол бүртгэгдэж байв.
Батлагдсан тохиолдлуудын:
- 152 нь Улаанбаатар хотод,
- 91 нь орон нутагт бүртгэгдсэн байна.
Ингэснээр нийт бүртгэгдсэн халдварын тоо 933,241 болж нэмэгдэв.
Орон нутагт илэрсэн халдварыг аймаг тус бүрээр авч үзвэл, Архангайд дөрөв, Баян-Өлгийд хоёр, Баянхонгорт дөрөв, Дархан-Уулд найм, Дорноговьд хоёр, Дундговьд нэг, Орхонд дөрөв, Өмнөговьд 57, Увсад хоёр, Ховдод долоо бүртгэгджээ.
Мөн сүүлийн 24 цагийн хугацаанд 139 хүн эдгэрсэн бол одоогоор 2,586 хүн хяналтад байна.
