Монгол Улсын Ерөнхийлөгчөөс 2022 оныг хүүхэд хөгжлийн жил болгосонтой холбогдуулан Нийслэлийн Чингэлтэй дүүргийн ерөнхий боловсролын 5 дугаар сургуулийн 1992 оны төгсөгчид төгсөлтийн 30 жилийн ойгоо төрөлх сургуулийнхаа урд “Анхны чихэр” хөшөөг байршуулан мөнхөллөө.
Монголын Урчуудын эвлэлийн нэрэмжит шагналт, СТА Р.Ганхуяг, МУЭ-ийн гишүүн, уран барималч Б.Ганбаатар нарын бүтээсэн уг хөшөөнд үерхэл нөхөрлөлийн нандин хэлхээ, хүүхэд насны гэгээн бүхнийг илэрхийлсэн хүү, охин хоёрыг дүрслэн буулгажээ.
