Баянхонгор аймгийн Бууцагаан сумын малчин Ч.Цэгмид энэ сарын 10-нд нутгаасаа гарч, 790 км зам туулан гурав хоногийн өмнө нийслэлийн төв талбайд хүрэлцэн иржээ.
Өдгөө 60 настай тэрбээр 25 хоногийн турш өдөрт 30-40 км зам туулсан байна. Ч.Цэгмидийн хичээл зүтгэл, тэсвэр хатуужлыг үнэлж Биеийн тамир, спортын улсын хорооны Бодлого төлөвлөлтийн газрын дарга О.Гэрэл “Жуух бичиг”-ээр шагналаа.
