Б.Жавхлан: НӨАТ-ын сугалааг энэ сараас явуулахгүй

УИХ-ын чуулганы нэгдсэн хуралдаанаар төсвийн тодотголыг хэлэлцсэн байна. Энэ үеэр Сангийн сайд Б.Жавхлан гишүүний асуултад хариулах үеэр “НӨАТ-ын сугалааг энэ сараас явуулахаа болино” гэжээ.

Тэрбээр “НӨАТ-ын тогтолцоог аль болох хөндмөөргүй байна. Сүүлийн 32 жилийн хугацаан дахь хамгийн зөв татварын тогтолцооны нэг систем юм. Энэ бол дэлхийн 162 улсад байдаг сонгодог тогтолцоо. НӨАТ-ын 10 хувь өндөр дүнд орохгүй.

НӨАТ-ын сугалааг энэ сараас явуулахаа болино. Сугалаа тодорхой хугацаанд үүргээ гүйцэтгэсэн. НӨАТ-ын буцаан олголтыг хоёр хувь дээр ойрын жилүүдэд барина гэсэн бодлоготой байна” гэсэн байна.