Израилийн цэргүүд Баруун эрэг дэх Бетлехем хотын ойролцоо палестин эрийг буудаж хөнөөсөн гэж Палестины эрүүл мэндийн яам даваа гарагийн үүрээр мэдэгдэв. Энэ нь Исламын ариун Рамадан сарын үеэр дэгдсэн хүчирхийллийн давалгааны хамгийн сүүлийн тохиолдол байв.
Ням гарагийн орой Баруун эргийн хурдны зам дээр явж байсан Израилийн машин руу галт бөмбөг шидэж байгаа хүн рүү гал нээснийг Израилийн арми мэдэгдэв. Буудлагын улмаас сүүлийн 24 цагийн дотор амь үрэгдсэн палестинчуудын тоо дөрөв болж өссөн бөгөөд тэдний дотор Бетлехемийн ойролцоох цэргийн шалган нэвтрүүлэх цэг дээр буудуулж амиа алдсан зэвсэггүй эмэгтэй байжээ.
Энэ жилийн Рамадан еврей болон христийн шашны томоохон баяруудтай давхцаж байна. Өнгөрсөн оны Рамадан сард Йерусалем хотод болсон эсэргүүцлийн жагсаал, мөргөлдөөн Израил болон Газын босогчдын хооронд 11 хоног үргэлжилсэн дайн болж хувирсан.
Эх сурвалж: Cnn.com
