“Их 7”-ийн орнуудын удирдагчид хамтарсан мэдэгдэлдээ дэлхий даяар гарч болзошгүй хүнсний хангамжийн хямралын эсрэг тэмцэж, эмзэг бүлгийн орнууд болон Украинд хүнсний тусламж үзүүлж, нийлүүлэлтийн тасалдлыг шийдвэрлэхээ мэдэгдэв.
“Бид нөхцөл байдлыг анхааралтай ажиглаж, хөгжиж буй дэлхийн хүнсний аюулгүй байдлын хямралаас урьдчилан сэргийлэх, хариу арга хэмжээ авахын тулд шаардлагатай бүх зүйлийг хийхээр шийдсэн хэвээр байна. Бид хүнсний аюулгүй байдлыг хангахын тулд бүх арга хэрэгсэл, санхүүжилтийн механизмыг тууштай ашиглах болно” гэж Долоогийн бүлэг гуравдугаар сарын 24-нд болсон дээд хэмжээний уулзалтын дараа амлав.
3-р сарын 21-нд Францын ГХЯ-ны сайд Жан-Ив Ле Дриан Украин, Оросын үр тарианы зах зээлд эзлэх хувийг харгалзан Европт хүнсний хямралын аюул заналхийллийн талаар ярьсан бол Гуравдугаар сарын 17-нд “Их 7”-ийн Гадаад хэргийн сайд нар Украинд үзүүлэх хүмүүнлэгийн тусламжийг нэмэгдүүлэх шаардлагатай гэж мэдэгдээд, хэд хэдэн муж энэ улсаас хүнсний хангамжаас хамааралтай болохыг сануулаад байгаа юм.
Эх сурвалж: INTERFAX
