ЭМЯ: Коронавирусын халдвар сүүлийн 24 цагт шинээр 175 хүнээс илэрлээ
Шинээр илэрсэн тохиолдлууд бүгд дотоодын халдвар 96 нь Улаанбаатар хотод, 79 нь орон нутагт бүртгэгдсэн байна.
ЭМЯ сүүлийн 24 цагт PCR шинжилгээгээр улсын хэмжээнд 175 иргэн коронавирусийн халдвараар өвчилсөн тухай мэдэгдлээ. Шинээр илэрсэн тохиолдлууд бүгд дотоодын халдвар 96 нь Улаанбаатар хотод, 79 нь орон нутагт бүртгэгдсэн байна.
Ковидын хүндрэлээр нас барсан тохиолдол улсын хэмжээнд 2105 болсон байгаа. Одоогийн байдлаар улсын хэмжээнд 962 иргэн эмнэлэгт ковидын эмчилгээ хийлгэж байна. Тэдний 215 нь хүүхэд байна.
