Америкийн Boeing компани Оросын агаарын тээврийн компаниудад нийлүүлдэг сэлбэг хэрэгсэлээ зогсоож, Boeing төрлийн агаарын хөлгүүдэд засвар үйлчилгээ хийхгүй гэдгээ мэдэгдлээ.
“Бид Оросын агаарын тээврийн компаниудад сэлбэг хэрэгсэл нийлүүлэх, засвар үйлчилгээ, техникийн дэмжлэг үзүүлэх ажлаа зогсоолоо” гэж тус компанийн мэдэгдэлд дурджээ. Мөн “Боинг” Украин дахь төлөөлөгчийн газраа хааж, Москвагийн нисгэгч бэлтгэх төвийн ажлыг түр зогсоосон байна.
Тус компани өнгөрсөн амралтын өдрүүдэд Орос, Украин дахь дизайны төвүүдээрээ дамжуулан нисэх онгоцны засвар үйлчилгээнд саатал гарч болзошгүй талаар харилцагчиддаа мэдэгджээ.
