Европын холбоо ОХУ-ын Батлан хамгаалахын сайд Сергей Шойгу, Ерөнхийлөгчийн тамгын газрын дарга Антон Вайно, ОХУ-ын ГХЯ-ны хэвлэлийн төлөөлөгч Мария Захарова, ВЭБ-ын дарга Игорь Шувалов нарт хориг тавих гэж байгааг нэрээ нууцалсан дипломатууд Wall Street Journal сонинд мэдээлжээ.
Европын холбооны хоригт хамрагдах хүмүүсийн дунд тэднээс гадна Оросын цэргийн өндөр албан тушаалтнууд ч хамрагдаж байгааг мэдээнд өгүүлсэн бөгөөд Мария Захарова болон Оросын банкуудын өндөр албан тушаалтнууд, тэр дундаа Игорь Шувалов руу заналхийлж байна гэжээ.
Мөн Евгений Пригожин тэргүүтэй Интернет судалгааны агентлаг ч хориг арга хэмжээний жагсаалтад багтаж байгаа аж. Wall Street Journal-ын мэдээлснээр тус байгууллагыг 2016 онд АНУ-ын албаны хүмүүс болон АНУ-ын сонгуулийн үеэр хагалан бутаргах үйл ажиллагаа явуулсан хэргээр өмнө шийтгэж байсан гэжээ. Дээрх хүмүүсээс гадна Европын холбоо албаны бусад 20 орчим хүний эсрэг зорилтот арга хэмжээ авах гэж байгаа юм байна.
Лхагва гаригийн орой Бүгд Найрамдах Донецк, Луганск Ард Улсыг хүлээн зөвшөөрснөөр ОХУ-ын эсрэг Европын холбооны хориг арга хэмжээ хүчин төгөлдөр болж эхэлж байна. Европын холбооны дипломат албаны тэргүүн Жозеп Боррелын хэлснээр Оросын хэд хэдэн банк, Төрийн Думын 351 депутат, 27 хувь хүн, хуулийн этгээд Европын холбооны хоригт хамрагдах гэнэ.
