Нэгэн хятад эмэгтэй хувцсан дотроо 102 ширхэг iPhone гар утас нуун Хонконг-Шэнжэний хилээр нэвтрэх гэж байгаад баригджээ.
Тэрбээр хэт халуунд зузаалж, цээж нь түнтийсэн байсан нь гаалийн ажилтнуудын анхаарлыг шууд татсан байна. Иймд түүний биед урьдчилсан үзлэг хийсний дараа металл илрүүлэгчээр дамжин гарахыг хүссэн аж. Сэжигтэн эмэгтэйг нэвтрэх үед дохио дуугарч хэрэг нь илэрчээ.
Түүний биед 102 ширхэг iPhone, 15 ширхэг Tissot брэндийн цаг байсан бөгөөд хууль бусаар хил нэвтрүүлэхийг завдсан барааны нийт жин 20 гаруй кг гэнэ. Хэрэгт холбогдсон эмэгтэйд гурав хүртэлх жилийн хорих ял оноож магадгүй юм байна.
