Хөгжлийн Банкны удирдлагаар ажиллаж байсан 6 хүнийг цагдан хорих эсэхийг шийдвэрлэх шүүх хуралдаан үргэлжилж байна. Үдээс өмнөх хуралдаанаар Хөгжлийн Банкны гүйцэтгэх захирлын албыг хашиж байсан Б.Батбаяр, Н.Мөнхбат, дэд захирал Ч.Мөнхбаяр нарыг нэг сар цагдан хорих шийдвэр гаргасан бол тус банкны гүйцэтгэх захирлын ажлын албаны даргаар ажиллаж байсан Д.Дэлгэрсайханыг цагдан хорих эсэхийг хэлэлцээд, хорих шаардлагагүй гэж үзсэн байна.