нХоёр дахь удаагаа олимпдоо оролцож буй цанын ОУХМ Б.Ачбадрах нь өнөөдөр өөрийн үндсэн төрөлдөө 15:00 цагаас эхлэн 30 секунд тутам барианаас гарах юм. Манай тамирчны хувьд 90 дэх ээлжинд буюу 15:45 минутанд уралдаанаа эхлүүлэхээр болжээ. Энэхүү төрөлд 99 тамирчин уралдах юм.
Цанын тэмцээний зам бүр харилцан адилгүй байдаг болохоор олимп, дэлхийн болоод хувийн дээд амжилтыг бүртгэх боломжгүй байдаг. Бээжингийн олимпын тухайд зассан зам нь өгсүүр ихтэй, огцом эргэлттэй учир уралдахад хүндрэлтэй байгаа талаар дасгалжуулагч Б.Энх-Амгалан хэлэв. Б.Ачбадрах нь уралдсанаар өнөөдөр манай тамирчдын тэмцээн уралдаан өндөрлөх болно.
