АНУ-ын зүүн эрэгт их хэмжээний цас орсны улмаас хэдэн мянган хүн цасан шуурганы улмаас гэрэл цахилгаангүй болсон талаар NBC News мэдээлжээ. Массачусетс мужид PowerOutage.us сайтын мэдээлснээр 96.000 гаруй хүн цахилгаангүй болсон байна.
Мөн зүүн эргийн янз бүрийн хэсэгт цахилгаан тасрах төлөвтэй байна. Массачусетс, Мэрилэнд, Нью Жерси, Нью-Йорк, Род-Айленд мужуудад онц байдал зарлаад байна. Эрх баригчид иргэдийг боломжтой бол гэрээсээ гарахгүй байхыг анхаарууллаа. Агаарын тээврийн компаниуд 4500 гаруй нислэгээ цуцалсан гэж FlightAware мэдээлэв.
Цасны зузаан Нью-Йорк, Мэйн мужуудад 15 см, Нью-Йоркийн төв цэцэрлэгт хүрээлэнд 19 см давсан бол Массачусетсийн зарим дүүрэгт 60 см хүрч болзошгүй гэж цаг уурчид таамаглаж байсан.
Энэ цасан шуурга сүүлийн дөрвөн жилд тохиолдсон хамгийн хүчтэй цасан шуурга болж магадгүй байна. Ням гаригт шуурга цас далайн эргээс холдох төлөвтэй байгаа ч залгаад хүйтэн жавар эхлэх төлөвтэй байна.
It’s snowing. Snow is on the street. Snow is blowing around. Our plows and spreaders have been out for hours, and will be out all day. You won’t see blacktop for quite some time. See where we’ve already been at https://t.co/XKuhq4Oh7Z. We will be there. pic.twitter.com/7QsxGKSzgl
— NYC Sanitation (@NYCSanitation) January 29, 2022
