УИХ ээлжит бусаар чуулж, 2022 оны төсвийн тухай хуульд өөрчлөлт оруулахаар хэлэлцэж байна.
Тэтгэврийн зээлийн доод хэмжээг 500,000 төгрөг хүртэл нэмэх талаар хэлэлцэж байгаа юм. Үүнд шаардлагатай эх үүсвэрийг хэрхэн бүрдүүлэхээр төлөвлөсөн талаарх гишүүдийн асуултад Сангийн сайд болон Хөдөлмөр нийгмийн хамгааллын сайд нар хариулав.
Сангийн сайд Б.Жавхлан:
Тэтгэврийн хэмжээг нэмэгдүүлэхэд нийт 637 тэрбум төгрөгийн зохицуулалт хийх шаардлага үүсэж байгаа. Энэ мөнгийг
- НДС-ийн давсан орлого болох 326 тэрбум
- Зураг төсөлгүй 123 төслийг цуцалж, 260 тэрбум
- Төсвийн урсгал зардлаас 50 тэрбум
- Гадаадын зээл тусламжаас 30 тэрбум төгрөгийг тус тус зохицуулж, тэтгэврийг нэмэхээр төлөвлөлөө гэв.
ХНХ-ын сайд А.Ариунзаяа:
2021 онд НДС-аас давсан орлого 326 тэрбум төгрөг болсон шалтгаан нь төсвийн орлого төлөвлөхдөө НД-ын шимтгэлийг 1 хувиар нэмэх байснаа больсон тул болгоомжтой хандсан.
Нөгөө талаар, Эдийн засгийг эрчимжүүлэх 10 их наяд төгрөгийн хөтөлбөрийн үр дүнд ажил олгогч 3,321-ээр нэмэгдсэн бол албан журмын даатгал төлөгч ажил эрхлэгч 55,500-аар нэмэгдсэн зэрэг нь орлого давж биелэн нөхцөл болсон гэв.
