Австрали улсаас Монголд суугаа Элчин сайдын яам өнөөдөр буюу Австрали улсын Үндэсний өдрөөр хоёр орны дипломат харилцааны ойн нэрэмжит төслийн хөтөлбөрийг албан ёсоор эхлүүллээ.
Монгол, Австрали улсын хооронд дипломат харилцаа тогтоосны 50 жилийн ойг тохиолдуулан хэрэгжүүлж буй уг хөтөлбөр нь нийт таван байгууллагыг Монгол Улсын хөгжилд хувь нэмрээ оруулахад нь дэмжих зорилготой юм.
Шалгарсан таван байгууллага нь эрүүл мэнд, хүний эрх, залуучуудын хөгжил, хөдөө аж ахуйн чиглэлээр үйл ажиллагаа явуулдаг өргөн хүрээний байгууллагуудын төлөөлөл юм.
“КОВИД-19 цар тахал эхэлснээс хойш Элчин сайдын яам нь Монгол Улсын тогтвортой хөгжилд хувь нэмрээ оруулж буй байгууллагуудыг үргэлжлүүлэн дэмжих зорилгоор буцалтгүй тусламжийн санхүүжилт олгосоор ирсэн билээ. КОВИД-19-ийн хязгаарлалтын дэглэмийн үед ч аюулгүй байдлыг хангаж, нийгэмд нэн чухал төслүүдэд дэмжлэг үзүүлсээр ирсэн билээ. Эдгээр хүчин чармайлтын үргэлжлэл болгон ЭСЯ-наас Монгол Улсад эерэг өөрчлөлтийг бий болгохыг зорьж буй таван онцгой байгууллагад нийт 500,000 ам.долларын санхүүжилт олгох болсондоо баяртай байна” хэмээн Хэргийг түр хамаарагч Нейл Сандерсон хэллээ.
Шалгарсан таван байгууллага нь дараах төслүүдийг хэрэгжүүлнэ:
- Монголын хараагүйчүүдийн үндэсний холбоо (МХҮХ) – Тэгш хамруулан сургах боловсролыг сурталчлах замаар хараагүй болон харааны бэрхшээлтэй иргэдийн эрхийг дэмжих
Уг төсөл нь харааны бэрхшээлтэй иргэдэд тэгш хүртээмжтэй сургалтын орчныг бүрдүүлэх зорилгоор чадавхыг сайжруулах зорилготой юм. Орон нутагт оршин суудаг хараагүй иргэдийг чадавхжуулах, хараагүй сурагчдад боловсрол тэгш хамруулах замаар хараагүй иргэдийн нийгмийн оролцоог нэмэгдүүлэх нь гол зорилтуудын нэг юм. Түүнчлэн, хүний эрх, хувь хүний хөгжлийн чиглэлээр сургалт явуулах болно. Үүнийг шинээр байгуулах болон одоо үйл ажиллагаа явуулж буй технологийн мэдээллийн төвүүдээр дамжуулан хийх болно.
- Монголын улаан загалмайн нийгэмлэг (МУЗН) – Олон нийтийн сайн дурынхныг Эрүүл мэндийн анхан шатны төв /ЭМҮТ/-ийн хэсэг болгон нэгтгэх
Монголын улаан загалмайн нийгэмлэг нь цар тахал эхэлснээс хойш Эрүүл мэндийн анхан шатны төв (ЭМҮТ), вакцинжуулалтын төв, Халдварт өвчин судлалын үндэсний төв (ХӨСҮТ)-ийн холбоо тогтоох чадавхыг дэмжих зорилгоор мянга гаруй олон нийтийн эрүүл мэндийн сайн дурын ажилтнуудыг сургаж, дайчлаад байна. Элчин сайдын яамнаас олгож буй санхүүжилтээр МУЗН, Эрүүл мэндийн яамтай хамтран нийгмийн эрүүл мэндийн онцгой байдлын үед анхан шатны эрүүл мэндийн нэгжүүдэд туслах зорилгоор Улаанбаатар хотын захын дүүргүүдэд нийгмийн эрүүл мэндийн сайн дурын туршилтын хөтөлбөрийг хэрэгжүүлнэ.
- Хавдрын үндэсний зөвлөл (ХӨСҮТ) – Монголд хорт хавдартай хүүхдүүдэд зориулсан сэргээн засах төв байгуулах
“Хавдрын үндэсний зөвлөл” ТББ Монгол Улсад анхны хорт хавдраар өвчилсөн хүүхдийн нөхөн сэргээх төвийг байгуулна. Тус төв нь сэтгэлзүйн үйлчилгээ, биеийн тамирын нөхөн сэргээх үйл ажиллагаа, урлагийн эмчилгээ зэрэг үйлчилгээг үзүүлнэ. Тус төв нь гэр бүлүүдэд олон талын ач холбогдолтой бөгөөд хамгийн чухал нь хорт хавдраас эдгэрч буй хүүхдүүдийн эсэн мэнд эсэн мэнд үлдэх хувь өндөр байх болно. Тус төв ашиглалтад орсноор жилд 500 гаруй хүүхдүүд болон тэдний гэр бүлд үйлчилгээ үзүүлэх боломжтой болно.
- НҮБ-ын Аж үйлдвэрийн хөгжлийн байгууллага (UNIDO) – Хонь хяргах орчин үеийн технологийг түгээн дэлгэрүүлэх эдийн засгийн чадавхыг үнэлэх, сургалтын хөтөлбөр боловсруулах
Монгол Улсын Засгийн газар, Хүнс, хөдөө аж ахуй, хөнгөн үйлдвэрийн яамны (ХХААХҮЯ) чухал түншийн хувьд ЮНИДО нь улс орондоо орчин үеийн хонины ноос нийлүүлэх сүлжээг өргөжүүлэх ажлыг зохион байгуулахад тусламж үзүүлж, бүх оролцогч талуудтай хамтран ажиллаж байна. Энэхүү төсөл нь Монгол Улсын Засгийн газраас хонины ноос машинаар хяргах үндэсний аяны үндэс суурийг тавих юм. ЮНИДО нь тус санхүүжилтээр орчин үеийн технологи нэвтрүүлэх, үндэсний сургалтын хөтөлбөр, мэргэшсэн хонь хяргагч бэлтгэх загвар хөтөлбөр боловсруулах замаар ноосны нэмүү өртгийн сүлжээний тогтвортой байдал, ажлын байрыг сайжруулах үнэлгээг хийх юм. Эдгээр нь Австрали, Шинэ Зеландын хяргагчийн үндсэн мэргэшлийн стандартад нийцсэн байх бөгөөд ХХААХҮЯ-ны үндэсний хяргах кампанит ажлыг шилдэг туршлага болгон явуулах үндэс суурь болох юм.
- Монгол Экологийн Төв (MEC) – Залуучуудын Тогтвортой байдлын корпус: Залуучуудын үйл ажиллагаа – Боломжийг нээх, урам зориг өгөх үйл ажиллагаа
Монгол Экологи Төв нь төслийн хүрээнд Монгол даяар ахлах сургуулийн сурагчдын дунд боломжуудыг нээж, урам зориг өгөх зорилгоор тогтвортой бизнес эрхлэх уралдааныг зохион байгуулж байна. Платформ, сүлжээг бий болгосноор оюутнууд өөрсдийн хүрээг тэлж, нийгэмдээ харахыг хүссэн өөрчлөлтийг авчрах болно. Мэргэжилтнүүд болон зөвлөгчид сурагчидтай хамтран тэдний санааг тогтвортой төслийн санал болгон боловсруулж, боломжит хөрөнгө оруулагчдад танилцуулна. Өргөдөл гаргагчид төрөл бүрийн сургалт, семинар, сүлжээний боломж, дасгалжуулагч, салбарын мэргэжилтнүүдээс зөвлөгөө авах замаар үнэ цэнтэй туршлага олж авах болно.
