УБТЗ ХНН-ийн Дотоод аудитын албаны дарга Ж.Пунцагийг АТГ-аас саатуулжээ
АТГ-аас өчигдөр орой явуулсан шалгалтын хүрээнд УБТЗ ХНН-ийн Дотоод аудитын албаны дарга Ж.Пунцагийг холбогдох бас нэгэн албан тушаалтны хамт саатуулсан байна.
АТГ-аас энэ талаар тодруулахад “Мөрдөн шалгах үйл ажиллагаа үргэлжилж байна. Ж.Пунцагийг авлига, албан тушаалын хэрэгт холбогдуулан саатуулсан” гэж мэдээллээ.
Ж.Пунцаг 2016 онд УБТЗ ХНН-т тус албаны даргаар томилогдсон. Ингэхдээ АТГ-аас ашиг сонирхлын зөрчилтэй эсэхийг бататгах тодорхойлолт аваагүй нь маргаан дагуулж байсан удаатай.