Айл өрх, албан байгууллагуудын хаалгыг эвдэж, эд зүйлс хулгайлдаг байсан этгээдүүдийг баривчилжээ

R (30)

Нийслэлийн Цагдаагийн удирдах газрын Мөрдөн шалгах газрын Хулгайлах гэмт хэрэгтэй тэмцэх хэлтсийн алба хаагчид бусдын орон байр, албан байгууллагуудад нэвтэрч, хулгайн гэмт хэрэг үйлддэг байсан найман этгээдийг илрүүлжээ.

Мөрдөн шалгах ажиллагааны баривчлах үед гэрээс нь хар өнгийн зөөврийн компьютер, проктер, зөөврийн хард диск, гуулин бурхан гурван ширхэг зэрэг эд зүйлийг эд мөрийн баримтаар хураажээ.

Тухайн этгээдүүд 23-35 насны, эрхэлсэн тодорхой ажилгүй бөгөөд хоёр нь өмнө нь хулгайлах гэмт хэрэг үйлдэн ял шийтгэл эдэлж байсан аж. Тухайлбал, Б нь өмнө нь хулгайлах гэмт хэрэгт гурван удаа ял шийтгүүлсэн гэж Цагдаагийн байгууллагаас мэдээлэв.