Монгол Улс, АНУ-ын хооронд шууд нислэг хийх бэлтгэл ажлын хүрээнд ГХЯ, ИНЕГ, МИАТ болон Монгол Улсаас АНУ-д суугаа ЭСЯ-ны төлөөлөгчид өчигдөр цахим уулзалт хийжээ.
Ингэхдээ тус ажлын явц болон цаашид авах алхам, хэрэгжүүлэх зүйлсийн талаар харилцан санал, мэдээлэл солилцсон байна.
Уулзалтад Элчин сайд Ө.Батбаяр, ГХЯ-ны АОДАГ-ын захирал А.Ананд, зөвлөх А.Гуамарал, МИАТ ТӨХК-ийн гүйцэтгэх захирал Б.Мөнхтамир, ИНЕГ-ын дарга С.Мөнхнасан, ИНЕГ-ын Агаарын тээврийн бодлого зохицуулалтын газрын дарга Г.Батбаяр, Вашингтон дахь ЭСЯ-ны зөвлөх Г.Баттулга нар тус тус оролцжээ.
Эх сурвалж: Монгол Улсаас АНУ-д суугаа ЭСЯ