Сүүлийн өдрүүдэд нийслэлд агаарын бохирдол ихээхэн өссөн. Иймд Эрчим хүчний сайд Н.Тавинхбэх, БОАЖ-ын сайд Н.Уртнасан нар Баянхошуун дахь түлш борлуулах цэгүүдэд ажиллаж байна.
Гэртээ байдаг иргэд буюу өндөр настай, хүүхдээ хардаг иргэд түлшээ авчихдаг. Харин өдрийн цагаар гэртээ байдаггүй, ажил хийдэг иргэд орой түлшээ авах гэхэд олдохгүй байна гэж гомдол гаргажээ.
Борлуулалтын цэгүүд “Таван толгой түлш” компанид захиалга өгдөг байна. Тэр дагуу үйлдвэрээс нийлүүлдэг. Өдөр бүр цэгүүдэд 5 тонн түлш нийлүүлдэг аж.
Нийслэлд нийт 600 цэг бий. Хэрэв тухайн цэгээс захиалга өгөхгүй бол түүгээр үйлчлүүлдэг иргэд түлшгүй болох эрсдэл үүсдэг байна. Зам дагуу байрлалтай түлш борлуулах цэгүүдэд түлш маш хурдан дуусдаг гэж борлуулалтын ажилтан сайд нарт тайлбарлав.
