Үндэсний цахим номын сан ESAN үйл ажиллагаа улам өргөжүүлэн, хүрээгээ тэлсээр байна.
Хамтарч ажиллах зохиогчийн тоо өсөн нэмэгдсээр өдгөө 7,358 зохиогчийн 29,309 бүтээлийг байршуулжээ. Эдгээрийг хуудсаар нь авч үзвэл 517,500 болох аж. Байршуулсан бүтээл нь цахимаар борлуулагдах, эшлэл авах бүрийд орлого ордог нь тухайн зохиогчдод бодит үр өгөөжөө өгсөн ажил болсон юм. Цаашид ESAN төслийн инженерүүд хиймэл оюун ухаанд суурилсан хөгжүүлэлт хийж, бүтээлийг жинхэнэ хүн уншсанаас дутуугүй сонсогддог болгохын тулд ажиллаж байгаа аж.
Мөн өнгөрсөн онд ESAN Edu буюу Боловсролын платформыг нээн 18 их, дээд сургуультай хамтран ажиллах гэж байгаа бол шинээр байгуулсан Контент төвдөө 456 байгууллагатай хамтрахаар болжээ.
Түүнчлэн тэрбээр ESAN-д оюутнууд өөрсдийн судалгааны ажил, бүтээлийг байршуулан мэргэжлийн чиглэлээрээ орлого олох боломжтой юм байна.
ESAN-аас зохиогчийн ном, судалгааны ажлуудыг үзэхээс гадна Насан туршийн боловсрол эзэмших боломжтой гэдгээрээ ихээхэн онцлог. Тухайлбал, сүүлийн үеийн чиг хандлага болоод буй эко бүтээгдэхүүн өөрөө хийх, эрүүл амьдралын хэв маягийг эзэмших, эрүүл мэндийн талаарх зөвлөгөө мэдээллийг ESAN-аас авах боломжтой юм.
Мэргэжлийн хүмүүсийн зөвлөгөөнүүд бичгээр болон сонсох хэлбэрээр байршиж байгаа тул түлхүүр үгээр хайхад хангалттай аж. Үүний зэрэгцээ өөрийн мэргэшсэн чиглэлээрээ та хичээл бэлтгэн тус санд байршуулах бүрэн боломжтой.
Үндэсний цахим номын сан ESAN алсдаа олон талын мэдээллийг нэгтгэсэн томоохон платформ болох эрмэлзэлтэйгээр ажилласаар байна. Улам хөгжүүлж, өөрийн хүссэн мэдээллийг хуруу дарахын төдийд авахыг хэрэглэгч та хүсэж байгаа бол түүнийгээ уламжлах, зохиогч та оюуны бүтээлээ зохих ёсоор үнэлүүлж, нэмэлт орлоготой болохыг хүсэж байвал тус хамт олонтой холбогдоорой. ESAN хамтарч ажиллахыг хүссэн хэн бүхэнд нээлттэй байх болно.
