Шинэ оны эхний өдрөөс шинэчилсэн Хөдөлмөрийн тухай хууль мөрдөгдөж эхэллээ. Уг хуульд орсон онцлох зарим заалтуудыг танилцуулья.
- Хөдөлмөр эрхлэлтийн харилцаанд анх орсон болон ажил хөдөлмөр эрхэлж байгаа ажилтнаас иргэний үнэмлэх, боловсролын бичиг баримт, мөнгө, эд зүйлийг нь барьцаанд авахыг хориглосон.
- Ажил эрхлэлт, хөдөлмөрийн харилцаанд аливаа дарамт, хүчирхийллээс урьдчилан сэргийлэх, таслан зогсоох, гарсан зөрчлийг шийдвэрлэх заалтуудыг тусгасан.
- Ажил олгогч нь хүүхдэд ээлтэй, хүүхэд хамгааллын бодлого хэрэгжүүлэхээр заасан. Ажилтныг долоо хоногт 56 цагаас илүү цагаар ажиллуулахыг хязгаарласан.
- Шөнийн цагаар ажилласан ажилтанд 1.2 хувиар нэмэгдүүлж цалин олгоно.
- Ажилтан ажилд орсноос хойш зургаан сарын дараа ээлжийн амралтаа авах эрх нь үүснэ.
- Хүүхэд нь мэндэлсэн аавд ажлын 10-аас дээш хоногийн цалинтай чөлөө олгоно.
- Мөн албан бус салбарт ажиллаж байгаа олон мянган хүн хуулийн хамгаалалтад орох нөхцөл бүрдсэн. Тухайлбал, туслах малчин болон гэрийн үйлчилгээний ажилтантай хөдөлмөрийн гэрээ байгуулж, ээлжийн амралт олгоно.
- Туслах малчин өөрөө зөвшөөрсөн бол түүний цалингийн 30 хүртэлх хувийг мөнгөн бус хэлбэрээр олгож болно гэх мэт олон заалтууд оржээ.
