Вакцины хүртээмж нэмэгдэж, цар тахлаас үүдэлтэй хорио цээрийн хязгаарлалтууд хумигдсан, хүмүүс хөл хорионы үеэр хуримтлалаа нэмэгдүүлсэн гэх мэт эерэг, ашигтай үр дүнг хамгийн түрүүн Европын тансаг зэрэглэлийн бараа үйлдвэрлэгчид хүртэж эхэлжээ.
CFRA шинжээчийн фирмийн мэдээллээс үзэхэд энэ салбарын хувьцаа 2021 оны эхнээс дунджаар 42 хувиар өссөн байна. Шинжээч Эндрю Там хэлэхдээ “Европын олон өргөн хэрэглээний барааны хувьцаанууд хүчтэй өсөж, хөлөг онгоцны зогсоолын өмнөх түвшиндээ эргэж ирсэн. Төсвийн хуримтлал, хэрэглэгчдийн эрэлт, хэрэгцээ хойшилж байсан зэрэг нь тус салбарын өсөлтийг дэмжиж байна хэмээжээ.
Дэлхийн хамгийн том үнэт эдлэл үйлдвэрлэгч Compagnie Financiere Richemont SA энэ оны эхнээс 69%, Францын Hermes International SCA загварын ордон 75%-иар өсөөд байна.
Мөн дэлхийн хамгийн том тансаг зэрэглэлийн бараа үйлдвэрлэгч LVMH Moet Hennessy Louis Vuitton 75 брэндтэй энэ онд 41%-иар өссөн бол LVMH-ийн орлого 62 тэрбум еврог давж магадгүй байгаа нь 2020 оны түвшнээс 38%, 2019 оны хямралын өмнөх жилээс 15% илүү байна гэж Баррон тэмдэглэжээ.
Италийн тансаг зэрэглэлийн гадуур хувцас үйлдвэрлэгч Moncler-ийн хувьцаа энэ жил 26%-иар өссөн нь Хятадад борлуулалт өндөр байгаатай холбоотой. Энэ оны гуравдугаар улиралд Монклерийн орлого Хятад, Өмнөд Солонгос, АНУ-д эрэлт ихтэй байгаа энэ үед 55%-иар өссөн байна.
