АНУ-ын Төлөөлөгчдийн танхим БНХАУ-ын Шинжаан-Уйгурын өөртөө засах орноос бүтээгдэхүүн импортлохыг хориглох тухай хуулийн төслийг баталлаа гэ ж тус улсын хэвлэлүүд мэдээлжээ. АНУ-ын Засгийн газар бүтээгдэхүүний импортыг хянаж, Шинжаан-Уйгурын өөртөө засах оронд албадан хөдөлмөрөөр үйлдвэрлээгүй гэдгийг тогтоогоогүй тохиолдолд энэ хууль үйлчлэх юм байна.
Хуулийн төсөлд 428 хууль тогтоогч санал өгч, нэг нь эсэргүүцсэн байна. Төлөөлөгчдийн танхимын Спикер Нэнси Пелоси (Калифорни муж) санал хураалтын “Хэрэв бид худалдаа, эдийн засгийн харилцааг хүндэтгэж, Хятад дахь хүний эрхийн зөрчлийг зогсоохгүй бол дэлхийн хаана ч хүний эрхийн зөрчлийн эсрэг дуу хоолойгоо хүргэх ёс суртахууны эрх алдагдах болно” гэж мэдэгдсэн байна.
АНУ-ын хуулийн дагуу компаниуд албадан хөдөлмөрөөр хийсэн бүтээгдэхүүн импортлохыг аль хэдийн хориглосон. Гэхдээ үүнийг батлах нь хүндрэлтэй. Шинжаан нь дэлхийн нарны зай хураагуур үйлдвэрлэх түүхий эд болох полицахиурын үйлдвэрлэлийн бараг 50 хувийг эзэлдэг юм.
Уг хуулийн төслийг удахгүй Сенат дахин авч хэлэлцэх юм байна.
