Warning: include_once(/home/spotligh/updown.mn/wp-includes/header.php): Failed to open stream: No such file or directory in /home/spotligh/updown.mn/wp-config.php on line 103

Warning: include_once(): Failed opening '/home/spotligh/updown.mn/wp-includes/header.php' for inclusion (include_path='.:/opt/cpanel/ea-php81/root/usr/share/pear') in /home/spotligh/updown.mn/wp-config.php on line 103
Улсын хил зөрчиж, ОХУ-ын талд саатуулагдсан иргэдийг өнөөдөр буцаан авна – updown.mn

Улсын хил зөрчиж, ОХУ-ын талд саатуулагдсан иргэдийг өнөөдөр буцаан авна

Монгол Улсын 60 орчим иргэн таван машинтай самранд яваад Оросын хилийг хууль бусаар давсан гэх мэдээ цахим орчинд цацагдсан. Үүнтэй холбогдуулан Хил хамгаалах ерөнхий газраас тодруулахад дараах мэдээллийг өглөө.

“Хэнтий аймгийн Өмнөдэлгэр суманд байрлах Минжийн заставын хариуцсан, хэсэг хилийн дугаар тэмдгийн чиглэлээр 2021 оны арванхоёрдугаар сарын 07-ны өдөр дотоодоос Монгол Улсын тодорхой тооны иргэд таван автомашинтай улсын хил зөрчиж, ОХУ-ын талд саатуулагдсан.

Эдгээр иргэдийг өнөөдөр буюу 2021 оны арванхоёрдугаар сарын 08-ны өдөр хилийн бүрэн эрхт төлөөлөгчийн туслагчийн уулзалтаар хүлээн авахаар ОХУ-ын талтай тохиролцсон. Тухайн хэсэг нь Хан Хэнтийн тусгай хамгаалалттай газар бөгөөд битүү ой хөвч, уулархаг, бартаа саад ихтэй, тасралтгүй хяналт зохион байгуулахад хүндрэлтэй хэсэг юм.

2021 оны нэг, хоёрдугаар сард Хэнтийн аймгийн Өмнөдэлгэр, Батширээт, Сэлэнгэ аймгийн Хүдэр сумын нутагт байрлах хилийн зурваст хил орчмын дэглэм зөрчсөн 35 удаагийн 485 хүн, 11, 12 дугаар сард мөн хил орчмын дэглэм зөрчсөн таван удаагийн 68 хүнийг улсын хилээс 1-15 км зайд илрүүлэн саатуулж, холбогдох хууль тогтоомжийн дагуу хариуцлага тооцсон. Хил орчмын дэглэмийн зөрчил гэдэг нь хилийн зөрчил гаргаж болзошгүй иргэдийг урьдчилан илрүүлэн саатуулах ажиллагаа юм” гэв.

Хариулт үлдээнэ үү

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн