Хөгжмийн зохиолч Ш.Өлзийбаяр Финляндын мэргэжлийн хөгжимчдийн уралдааны тэргүүн байрын шагнал хүртжээ.
Финлянд улсын Турку хотод арваннэгдүгээр сарын 26-наас 29-ний өдрүүдэд зохион байгуулсан “JS Fest Competation” наадам нь дуулаачийн болон найрал дуу, дан хөгжмийн бүтээл, эликтро хөгжим, computer music гэсэн төрлүүдээр зохион байгуулдаг нэр хүндтэй наадам юм.
Тэрбээр тус наадамд төгөлдөр хуур найрал хөгжимд зориулсан концерт, “286-р галт тэрэг” симфони найрал хөгжимд зориулсан зураглал гэсэн хоёр бүтээлээрээ оролцсон байна. Түүний энэхүү шагнал нь дэлхийн наадмаас хоёр дахь түрүү, олон улсын уралдаанаас авсан зургаа дахь шагнал нь аж.
Энэ жилийн наадам цар тахлын улмаас цахим хэлбэрээр болсон учраас дэлхийн олон орны 1000 гаруй хөгжмийн бүтээл өрсөлдсөнөөс ийнхүү Хөгжмийн зохиолч Ш.Өлзийбаярын бүтээл шалгарчээ.
1 comment
Агуу агуу. Төр үнэлэх ёстой