“Нэткапитал” ББСБ-ыг үүсгэн байгуулагч Д.Сүндий нарт холбогдох хэргийг маргааш /2021.12.03/ Эрүүгийн хэргийн анхан шатны шүүх хурлаар хэлэлцэхээр болжээ. Энэ хэрэг сунжирч, прокурор, мөрдөн байцаалтад буцсаар өдийг хүрсэн юм.
Тэрбээр 2019 оны гуравдугаар сарын 15 өдөр эхнэрээ зодож, гэмтэл учруулсан хэрэгт холбогдсон. Улмаар энэ хэргээ хэрэгсэхгүй болгуулахаар цагдаа нарт авлига өгсөн байдаг.
НПГ-аас түүнд Эрүүгийн хуулийн 22.5-2 дахь хэсэгт заасан “Өөртөө давуу байдал бий болгох зорилгоор бусдад албаны чиг үүрэг, бүрэн эрх, албан тушаалын байдалтай нь холбогдуулан эд зүйл өгсөн” хэргийг зохион байгуулж, хамтран оролцсон гэх үндэслэлээр яллах дүгнэлт үйлдсэн юм.
