Арвен шуурга Баасан гаригт Их Британийг дайрч, хүчтэй салхи, бороо, цас дагуулсаны улмаас гурван хүн амиа алдагсан талаар BBC News мэдээллээ. Шуурганы улмаас Шотланд, Умард Ирланд, Английн баруун хойд хэсэгт ч хүн нас барсан тохиолдол бүртгэгджээ.
Шуургатай зэрэгцэн цас орсны улмаас Ливерпүүл, Кингстон-апон Халл хотуудыг холбодог M62 хурдны замд 120 орчим ачааны машин түгжирсэн байна. Төмөр замын зарим чиглэлийн галт тэрэг саатсан бөгөөд Шотландын Абердиншир мужид зорчигчид галт тэргэнд 17 цагийн турш гацсан тохиолдол ч бүртгэгджээ.
Баасан гарагт болсон хар салхины улмаас Шотландад 100 мянга гаруй байшин цахилгаангүй болсон байна. Одоогийн байдлаар 60 мянга орчим байшин цахилгаангүй байгаа бөгөөд Зүүн хойд Англи, Умард Ирландад мөн цахилгаан тасарчээ.
Их Британийн хойд болон зүүн хойд хэсэгт Баасан гаригт орсон хүчтэй салхи шуурга, борооны үеэр салхины хурд 157 км/цаг хүрсэнийг Цаг уурын агентлагууд мэдээлсэн байна.
