Австралийн эргэн тойрон дахь олон улсын байдал Дэлхийн 2-р дайнаас хойш урьд өмнө байгаагүй их хэмжээгээр өөрчлөгдөж, тус улс дэлхийн гүрнүүдийн сөргөлдөөний голомтод орлоо гэж Австралийн Батлан хамгаалахын сайд Питер Даттон мэдэгджээ.
Тэрбээр “Өнөөдөр бид дэлхийн 2-р дайнаас хойшхи стратегийн орчны хамгийн чухал өөрчлөлтийг мэдэрч байна. Австрали дэлхийн стратегийн өрсөлдөөний голомтод байгаа гэдгээ олж харлаа. Австрали одоо 1930-аад оны тусгалд амьдарч байна. Энэтхэг-Номхон далайн бүс нутгийн орнууд болон дэлхий нийт Хятадын сэтгэл түгшээсэн үйл ажиллагааг ажиглаж байна.
БНХАУ-ын Тэнгисийн цэргийн хүчин сүүлийн 20 жилийн хугацаанд гурав дахин нэмэгдэж, 355 хөлөг онгоц, шумбагч онгоцоор зэвсэглэсэн дэлхийн хамгийн том флот болжээ. Австралийн ямар ч томоохон хот Хятадын пуужингийн тусгалд багтана” хэмээн мэдэгдсэн байна.
