Солонгосын аялал жуулчлалын байгууллагын мэдээлснээр “Korean Air” компанийн онгоцоор Сингапурын 120 жуулчин өнөөдөр өглөөний 08 цаг 50 минутад хүрэлцэн ирж, тусгаарлалтад орохгүйгээр хилээр нэвтэрсэн байна.
Энэ нь Корона вирус тархаснаас хойшхи анхны жуулчид юм. Эдгээр жуулчид нь өнгөрсөн сарын 8-нд Солонгос, Сингапурын хооронд байгуулсан аялал жуулчлалын аюулгүй бүсийн гэрээний дагуу тус улсад ирж буй жуулчид билээ. Корона вирусын эсрэг вакцины бүрэн тундаа хамрагдсан жуулчид хилээр нэвтэрсний дараа PCR шинжилгээ өгч сөрөг гарсан тохиолдолд тусгаарлалтанд орохгүй аж.
Мөн Солонгосын аялал жуулчлалын байгуулгын урилгаар Сингапурын аялал жуулчлалын томоохон салбар, нөлөө бүхий хэвлэл мэдээллийн байгууллагын 26 хүн Солонгост айлчилсан байна. Эдгээр жуулчдаар дамжуулан Солонгос улсын аялал жуулчлалыг Сингапур улсад сурталчилан таниулах Солонгос-Сингапурын аялалын цар хүрээг нэмэгдүүлэх зорилготой бөгөөд энэ сарын 20-ны дотор Сөүл, Инчеон, Кёнги, Ганвон зэрэг томоохон аялал жуулчлалын нөөц газруудаар зочилж, дотоодын аялал жуулчлалын салбарынхантай уулзалт хийхээр төлөвлөжээ.
