Питбул терьер үүлдрийн гөлөгний амь насыг хэрцгийгээр хөнөөсөн этгээдэд АНУ-ын шүүх 10 жилийн хорих ял оноожээ.
Олли хэмээх тахир дутуу гөлөг Холливудаас 2017 оны 10-р сард олдсон бөгөөд халдагч этгээд нохойг чемоданд хийж орхижээ. Олли биендээ 50 гаруй хутганы шархтай байсан тул мал эмнэлгийн эмнэлэгт хүргэгдсэн ч хоёр хоногийн дараа нас баржээ.
Энэ үйл явдалд эгдүүцсэн иргэд чемоданыг хаясан хүнийг олж илрүүлбэл 60 мянган долларын шагнал өгөхөө зарлажээ. Хожим нь цагдаа нар гэмт хэрэгтэн Эвансыг чемодан дээрх ДНК-ийн ул мөрөөр олсон байна.
Цагдаа нар Эвансын орон сууцанд нэгжлэг хийхэд угаалгын өрөө, гал тогооны өрөөнөөс муурны сарвуу, хархны цогцос, цусны ул мөр, мөн хоёр хутга, 1 ширхэг хутга олджээ. Эхлээд тэр хүн гэм буруугаа няцааж байсан ч дөрвөн жилийн дараа л хэргээ хүлээсэн байна.
Эванс 2017 оноос хойш хоригдож байгаа бөгөөд амьтдад харгис хэрцгий хандсан 17 хэрэгт буруутгагдаж, шүүх түүнд 85 жилийн хорих ял оноожээ. Түүний өмгөөлөгчийн тайлбарласнаар шүүгч гэм буруугаа хүлээн зөвшөөрснийг нь харгалзан 15 хэргийг хэрэгсэхгүй болгосон байна. Өмгөөлөгчийн ярьснаар гэмт этгээд сэтгэцийн эмгэгтэй, эм ууж байгаа гэнэ.
