БЗД-ийн Нийтлэг үйлчилгээний газрын гурав болон дөрөвдүгээр бүсийн ажилчид Улиастайн гол орчмын хог хаягдлыг цэвэрлэлээ. Нийт 200 гаруй хүний бүрэлдэхүүн, хог тээврийн 20 машинтайгаар намрын нэгдсэн цэвэрлэгээг хийж байна.
Баянзүрх дүүргийн Засаг даргын Тамгын газраас иргэдийн эрүүл, таатай орчинд амьдрах нөхцөлийг бүрдүүлэх зорилгоор “Хоггүй дүүрэг бол гоё” аян зохион байгуулж байгаа юм.
Тус аяны хүрээнд БЗД-ийн Нийтлэг үйлчилгээний газрын гурав болон дөрөвдүгээр бүсийн ажилчид өнөөдөр тус дүүргийн 9 дүгээр хорооны Малчин хэсгээс Улиастайн гүүр хүртэлх 10, 20, 23 дугаар хороог хамарсан 7.2 км үргэлжилсэн газрын хог хаягдлыг түүж, цэвэрлэлээ. “Хоггүй дүүрэг бол гоё” аяны хүрээнд нийт 10 удаагийн их цэвэрлэгээгээр 600 тн хог хаягдлыг ачиж, цэвэрлэсэн байна.
